كتير من الصديقات سألوني عن الحرقان اللي بيعانوا منه و هل له علاقة ان الجنين بنت او ولد ؟؟؟؟ و ازاي تتخلص السيدة الحامل من الحرقان ده .؟؟؟
واحب ارد عليكم ان انا عندي 3 اولاد ذكور بسم الله ما شاء الله و مع ذلك فانا عانيت من الحرقان عادي جدا زي صحبتي اللي كانت حامل في بنوتة ...
بمعنى ان جنس و نوع الجنين مالوش اي دخل نهائي بتحسي بحرقان او لاء ..
و احيانا ماما كانت تقولي ان الحرقان ده بسبب شعر الجنين هو اللي بيسبب الحرقان في فم المعدة .. لكن برضه لا اظن خاصة اختي بنتها كانت قرعه خالص و برضه اختي عانت من الحرقان هههههههههههههههههههههههههه
المهم ازاي تتخلصي من الحرقان ده ..؟؟
ببساطة اكثري من شرب اللبن البارد و اكل الخيار كتير لانه بيساعد علي الهضم و بيريح جدا الجهاز الهضمي عندك ...
حاولي كمان تمنعي الاكل المسبك خاصة بالليل
يعني خلي اكلك كله مسلوق او نئ في نئ
و حقولك بقي على سر خطير كنت بعمله :: وهو اني امصر فاصوليا بيضاء و انا قاعدة تصدقوا و الله بتريح جدا ......
جربوا و انتم حتدعوا لي ان شاء الله ......
و ربنا يتم حملكن علي خير و تفرحي بابنك او بنتك في حضنك
مع حبي و تحياتي
همسه احمد
ليست هناك تعليقات:
إرسال تعليق